樂湯雞麵館 (登龍街) (已結業)

“落汤鸡面馆”听落好得意，今日喺铜锣湾登龙街揾嘢食遇到佢，即管试一试啦。睇中个“花胶鱼翅养生鸡锅”，只可惜店员话：今天没有鱼翅供应，有些少失望，我谂隔离台食客都同我一样，咁唯有下次再试呢样嘢喇。于是乎嗌咗个“砂锅花胶鱼翅饺鸡”餐，没有鱼翅，但花胶鱼翅饺系有嘅，当“止渴”咁睇啦，而呢度有样抵谂嘅嘢就系你有5样嘢可以拣，例如米线，米粉，粉丝，刀削面或白饭，呢啲任你钟意任你拣系唔需要加钱的，另2样要加钱嘅就系稻庭乌冬和出前丁 。我哋就拣咗平时少食但又唔使加钱的“刀削面”，啲面QQ弹弹有口感又挂汁，唔错唔错；另一个"至尊鲍鱼鸡大碗饭"啲饭好入味，有鲍汁包裹住，大大碗都食得晒，啲鸡亦好滑嫩；“净花胶汤”有三大旧花胶；“鲜沙姜猪手”系朋友点嘅小食，猪手嘅软硬度适中有咬口，而且真系见到一粒粒鲜沙姜，系第二度比较难食到，名符其实真沙姜；豆浆跟餐有半价，而且包装埋够卫生我喜欢。