西貢街頭越南牛肉粉

营业中

休息中

系湾仔呢间越南🇻🇳粉店门面都几大间，虽然位于横街，都几抢眼，所以今日放工散下步去到个度就决定食埋个晚餐。虽然而家淡市，但都坐左一半客人，而且店入面都好光猛同干净，感觉良好。因应而家疫情😷，仲每个客人派纸袋同消毒湿纸巾，既卫生又贴心👍🏼👍🏼!!我拣左生牛肉牛丸🐮汤河，男友就要椰青腩肉🐷饭。冇几耐就黎左啦，厨房一来都好快手，而且汤河一睇都知好新鲜! 生牛肉切既厚度刚好，平时就系钟意佢生生地咁食，而家感觉上食熟D会安全D，所以浸汤浸多一阵先食，但都无损佢既新鲜肉香，而且冇筋。汤底清甜，落唔落青柠或辣都可以。配菜都一样够新鲜，芽菜都好爽甜。牛丸也好弹，高分合格!🍜 加上价钱大众化，真系值得一试。腩肉饭🍛都好有惊喜，首先份量真系冇得输，成个大椰青🥥都塞满肉，几大食既男人都一定够呀! 而且腩汁香甜，肉都炆到好入味，再加上淡淡椰香，好食! 🤩椰青既水都会畀埋你当餐饮，同个饭当然夹啦。如果再有多条菜就会更加好，唔驶只有肉同饭。除左饭面我都一定会食软壳蟹🦀米纸卷，呢个系我必食既飞佛! 呢度都系大路款配芒果什菜丝，基本路线亦好有水准，芒果🥭超鲜甜，软壳蟹当然好香脆而不太油腻，衬埋D新鲜什菜🥒🥕丝当然好食。