新樂園魚蛋粉 (已搬遷) 新店位置

早餐突然想食河粉，就去咗坑口美食街入边嘅新乐园鱼蛋粉食河粉，呢度无论几早去到，都会见到餐厅入边有几多人喺度食嘅，餐厅环境尚算干净，装修设计都唔错，食嘢嘅环境都几舒服。我叫咗碗猪肉丸墨鱼丸河粉，墨鱼丸弹牙，都食到有墨鱼粒，佢嘅质地同埋味道我都几钟意，叫人一试难忘。至于猪肉丸，质地都唔错，但相对墨鱼丸来讲，质地较逊色，但咬落都几弹牙而且有肉汁，质素算唔错。但可分就令我大为惊喜，唔会好似一饼饼咁黏，条条河粉都分明食落好滑溜，而且我加咗蓝汁，成碗嘅味道更加突出。不过我觉得系早餐来讲， $47一碗系有啲贵，如果价钱可以平少少会更加唔错。