肇順名匯河鮮專門店 (已結業)

大半年前左右嚟过，食套餐水准都算几好，今次专诚试一下d河鲜。人少关系，只系叫咗六样嘢:鱼皮:餐前小食，鱼皮已经渌熟，做法同以前粥铺嘅鲩鱼皮差不多，雪涷嚟食，口感爽脆而鱼皮都几鲜甜，值得试米汤青岛贝浸豆苗:米汤应该系上汤，水准一般，清清地ok啦马面骨鱼:9蚊一两，简直有惊喜，一入口已经呆咗一呆，跟住就话:条鱼好正!够甜够滑有鱼味，好食过海鱼炆花锦蟮:要20蚊一两，水准唔差但唔算好好，个蟮嘅皮唔够厚，食唔到蟮个种丰腴，少少失望豉油王煎金沙虾:淡水虾都要9蚊两，但物有所值，一斤有8只左右，打开虾头d膏流哂出嚟，虾肉但有少少削，但算甜，好食蒸走地鸡:类似污糟鸡，因为自己特别钟意食鸡，所以觉得好正，大部份骨都起咗出嚟，啖啖肉呢到地方企理，招呼几周到，而且自已带酒唔收开瓶费，食品价钱算物有所值，值得再嚟。