芳彩甜品

营业中

休息中

好耐都冇食过糖水,今晚同阿肥两个都兴致勃勃所以一于落街去揾芳彩甜品~太想食炖奶嘅物体,所以就叫咗呢款鲜奶炖蛋白($24蚊),价钱好平民,味道唔算太甜可能因为加咗蛋白所以都几清,不过鲜奶味就唔系好够重,普普通通啦。呢款鲜什果牛奶布甸就贵少少,要($34蚊),呢款睇嚟系阿肥每次嚟到都必点嘅甜品之一,因为有齐晒佢钟意食嘅生果：包括西瓜啦蜜瓜啦哈密瓜啦同埋芒果,而反而另外𠮶个牛奶布甸嘅牛奶味道就重好多啦,口感亦都较实在,淋啲花奶落去一齐食简直就系绝配由于喺油塘区甜品舖嘅选择都唔系好多,呢间平民嘅价钱+家庭式嘅食物已经算唔错啦。