水門泰式海南雞飯專門店

营业中

休息中

最近喺油塘呢个美食沙漠，新开咗间主打海南鸡饭的小店，我梗系即系走去试试啦！店子不设堂食，只做外卖。食物方面主打泰国菜式，除咗主角海南鸡饭，另有泰式猪手、冬阴公汤等等。今次我叫咗个二人餐。二人餐跟半只海南鸡或猪手、明炉大虾冬阴公汤、生菜肉碎包、泰式特饮两杯及鸡油捞饭。餐牌上食住鸡油捞饭系「任装」，都几有趣，我就唔需要加大喇，普通一碗就可以。番到屋企后立即开餐。首先当然试一试主打的海南鸡啦，海南鸡系会冻上，手法都几正宗，而且由于我叫咗半只的分量，所以有齐鸡胸、鸡髀的部分，而两者肉质同样鲜嫩，尤其是鸡胸，完全唔嚡口，值得一赞，分量亦充足。鸡油捞饭鸡油香味不算好突出，饭粒偏干身，口感一般。明炉大虾冬阴公汤汤料足，所以汤味亦好浓郁。大虾有3只，质素亦见新鲜，几好，只不过对于不嗜于辣的我有点太太太辣，受不了。如果你钟意食辣的话，不妨叫番碗挑战下。生菜肉碎包之前食过的泰菜餐厅的生菜肉碎包，通常肉碎都会调味得比较惹味、有点太浓味，呢间的出品相对地比较平和一点，食起来不会觉得好油腻、好heavy，夹埋生菜食，一流。整体来讲，水平中等，但仍然值得一试。