蜀府川鍋 (已結業)

同好姊妹去油塘，油塘站一出就系大型商场，本身以为今日两餐都要系商场连锁店解决，点知好姊妹竟然带左我去对面工厂区食海鲜。真系过条马路就到，非常就脚。对红色大闸门好有气势，门口养住好多新鲜海鲜。餐厅装修好似海鲜酒家咁，地方好宽敞，仲有卡位。有多款川锅、海鲜、小菜俾食客选择，价钱都好合理。避风塘炒蟹，大大只既肉蟹，肥美饱满，一上菜，就闻到好香浓既香蒜辣椒味，火喉十足。蒜泥青瓜，青瓜新鲜爽甜，蒜味都好够。尖椒重庆皮蛋，睇卖相都好吸引，皮蛋晶凝通透，配埋尖椒酸酸辣辣好惹味。呢2道小菜送酒一流，仲要大大碟好抵食。蒜蓉炒油麦菜，翠翠绿绿，炒得刚刚好，油麦菜仲好爽口，而且唔会太油。