必勝客

营业中

休息中

约咗朋友星期三出嚟食嘢，同佢拜年兼逗利是，朋友系佐敦区返工，所以就谂住系佐敦区食嘢，朝早上网见到Pizza Hut有广告话大批99元一个，堂食同价，一直都想买个外卖99元大批返屋企食，但怕冻咗嘅pizza 唔好食，所以一直都系得个讲字，今日竟然有堂食就一于去试下！pizza 上枱时个样都可以话系正正常常咁啦，食落去觉得劲油腻，个pizza 好似炸过咁, 似系京式䓤油饼加咗pizza topping 咁样, 挂系同朋友倾计，又肚饿，所以都照食，食剩几件pizza 就带走， 攞起哂所有pizza 之后先发现个pizza 烤盘好多好多油，唔怪得个pizza 食落似炸过啦🙄第二日用抹手纸垫住pizza 放入焗炉翻热，焗完出嚟张抹手纸系湿哂嘅，证明个pizza真系多油得好离谱。再讲讲佢地嘅服务，我地大概2点半入坐，非繁忙时间，只有5-6枱客，有两个年过50嘅侍应，叫佢地落单就直行直过，无反应，另一个二三十岁嘅侍应帮我地落单后又成日唔系楼面，想揾人帮手跟下啲食物，帮手攞调味料都相当有难度！