金仔米缐

营业中

休息中

今日要去沙田禾𪨶广场做野，收工就约埋住附近既朋友一齐撑枱脚，佢介绍左去呢间金仔，晚市有得食鸡煲/火锅/烤鱼，见好多人客人都有嗌，成班朋友食打边炉就最岩，可以慢慢食慢慢倾！不过今日唔算好肚饿，下次再约多啲朋友先再黎试吓个鸡煲！MENU都几多选择下，有特色汤饭、水煮菜式、自由配搭米线、串烧、凉拌小食等等。而我今晚就拣咗呢个油葱鸡饭～作为一般茶记人气碟头饭之一，水准果然有返咁上下～鸡件份量十足，食落味道浓郁，尤其鸡脾啖啖肉，加入香喷喷葱油特别惹味，绝对系拌饭佳品！