影片
更多
2023-07-26
1602 浏览
大吃大喝 Guzzle📍油麻地弥敦道525-543号宝寜大厦地下525B号舖呢日我喺尖沙咀睇完牙，同喺附近上堂嘅朋友会合，因为天气太热大家都无咩饭瘾，所以想揾啲轻食医肚。咁啱大家都无食到早餐，所以我同佢就拣咗油麻地呢间三文治专门店食返个brunch。呢间小店嘅门面唔大，但三文治种类有数十种，仲不时推出新口味，而且有多款饮品小食选择，总有一款啱你口味。不过大家要注意，虽然店面有一张细细长长嘅台仔，但大部份人都系叫外卖拎走食嘅。我哋星期二下午1:30到店，非常多人帮衬，亦有好多外送单，加上条街又热又晒，所以唔太方便企嚟店舖内食，于是揾咗个商场仔立食。 💰$33鲜芋泥肉松三文治 🥪 呢位三文治用咗新鲜芋泥同甜肉松，两种馅料都非常多，好足料！鲜芋泥嘅口感幼滑，无颗粒感，带有浓郁嘅芋头香。甜肉松系我爱嘅口味，劲有台湾风味，难怪咁多人都叫嚟食！ 💰$33招牌劲芫荽餐肉滑蛋三文治 🥪要用一个字嚟形容呢份三文治，就系「香」！无论系滑蛋、餐肉、芫荽定面包，都散发住香气！先讲下芫荽滑蛋，本来以为芫荽同滑蛋系分开嘅，估唔到系芫荽炒滑蛋，颇有惊喜。店家用嘅系鲜芫荽，除咗有好清新嘅芫荽香，咬落仲食到有水份，好新
📍油麻地弥敦道525-543号宝寜大厦地下525B号舖
呢日我喺尖沙咀睇完牙，同喺附近上堂嘅朋友会合，因为天气太热大家都无咩饭瘾，所以想揾啲轻食医肚。咁啱大家都无食到早餐，所以我同佢就拣咗油麻地呢间三文治专门店食返个brunch。呢间小店嘅门面唔大，但三文治种类有数十种，仲不时推出新口味，而且有多款饮品小食选择，总有一款啱你口味。
不过大家要注意，虽然店面有一张细细长长嘅台仔，但大部份人都系叫外卖拎走食嘅。我哋星期二下午1:30到店，非常多人帮衬，亦有好多外送单，加上条街又热又晒，所以唔太方便企嚟店舖内食，于是揾咗个商场仔立食。
[价钱 Price]
💰$33
鲜芋泥肉松三文治 🥪
呢位三文治用咗新鲜芋泥同甜肉松，两种馅料都非常多，好足料！鲜芋泥嘅口感幼滑，无颗粒感，带有浓郁嘅芋头香。甜肉松系我爱嘅口味，劲有台湾风味，难怪咁多人都叫嚟食！
[价钱 Price]
💰$33
招牌劲芫荽餐肉滑蛋三文治 🥪
要用一个字嚟形容呢份三文治，就系「香」！无论系滑蛋、餐肉、芫荽定面包，都散发住香气！先讲下芫荽滑蛋，本来以为芫荽同滑蛋系分开嘅，估唔到系芫荽炒滑蛋，颇有惊喜。店家用嘅系鲜芫荽，除咗有好清新嘅芫荽香，咬落仲食到有水份，好新鲜。滑蛋够厚够滑，带有淡淡蛋香，去边面包索尽蛋汁，唔会干柴。嚟到重头戏餐肉，真系切得非常厚，虽然厚但煎得焦香，脆脆哋嘅口感令我食到停唔到口。
[价钱 Price]
💰$38
士林台式香酥蛋饼 (三款)
除咗三文治外，店舖亦有供应各种台式小食，就例如呢款士林台式香酥蛋饼。爱食得健康嘅朋友拣咗三款配料，西生菜、肉松、黑椒磨菇。三款入面我最钟意黑椒磨菇，除咗因为黑椒味好香外，菇亦炒得好好，唔会过份爽口或淋身。西生菜够清新，配上海量肉松令蛋饼唔会过plain，系几好嘅combo！蛋饼系葱抓饼呢嘅，酥香滋味，加埋㶶边蛋同大量美奶滋，虽然同我最近喺台湾食嘅蛋饼唔同，但别有一番滋味。
[价钱 Price]
💰$15
香芋地瓜球 (6粒)
呢度嘅小食平得离谱，6粒爆馅香芋地瓜球都只系$15，真系异常贴地。而且佢绝对唔系空心地瓜球，系即叫即炸，虽然代表等待时间耐咗，但食到热辣辣劲脆口嘅地瓜球都系值得嘅。地瓜球内嘅香芋馅除咗好重芋头味，仲略带奶香，我同朋友都觉得系抵食又饱肚嘅高质小食。
张贴
