吞POT 雞煲火鍋.住家菜 (譽發廣場) (已結業)

有时收工已经九点，都会顺便喺油麻地同同事食埋晚饭。有阵时想去打边炉嘅话一定去吞pot，皆因呢度九点半后全部火锅配料小食都有半价😍抵食又好食。我哋多数去都系食鸡煲，钟意呢度鸡煲嘅调味，麻重一啲，食得好爽。比起坊间食到嘅鸡煲更加重口味😃配料今次最出色就系封门柳，珊瑚蚌，封门柳牛味极度浓郁，而且不易变韧，所以熟啲都OK，珊瑚蚌好新鲜，爽口弹牙。另外当然唔少得每次嚟都必点嘅炸鱼片头，外脆内弹牙，真系好正。整体嚟讲，正价都唔算贵，九点半之后仲有半价嘅话真系唔使谂😂食完真系大满足。