食得棧清湯腩王

营业中

休息中

食完粥当然未够饱，见到对面有间好抢眼嘅清汤腩王，就即刻走过去试吓嘞，我哋叫咗： 秘制咖哩牛腩捞粗面：原本想叫爽腩，不过卖晒都叫坑腩嚟试吓啦！碗咖哩牛腩上枱时好香，味道闻落已经好浓，咖哩入面有好多红油，但唔算太辣，亦有淡淡椰子香味；薯仔炆得好稔够晒入味；牛腩肉味浓郁而且份量几多不过就唔够稔嘞！个咖哩汁捞面好正，粗面亦够弹牙冇枧水味，跟捞面上嘅清汤亦有好浓牛骨味，值得一试！ 鱼片头牛腩河：鱼片头够弹牙出呼意料咁好味！ 汤底亦系浓味牛清汤，坑腩都系唔够稔，萝卜冇根够稔兼入味，河粉就一般嘞！下次会早啲过嚟食，希望食到爽腩啦！