不籽是咖啡 (文豪閣)

营业中

休息中

去开油麻地见到新开左间几靓既小清新cafe就即刻入去试下～ 入面虽然唔系话好大，但楼底好高，所以有好大既空间感，唔会话好焗促同埋都好光猛。另外佢食物、饮品选择都几多，而最后就嗌左一个小食、一个主菜、一杯咖啡。首先讲下个小食－－海盐甜蕃薯条，由于蕃薯条只系加左盐调味，所以可以食得出蕃薯条既原味，同埋唔会话炸得好硬，岩岩好系外脆内软。但唯一既败笔就系唔知点解佢侧边加左块霉霉地既生菜做装饰，见到会有d唔开胃。之后就叫左个绿茶素面配烧鲭鱼，虽然叫绿茶素面，但知其实唔会话有好浓既绿茶味，佢既软硬度适中，同埋d配料份量都算多，而个素面汁都唔会话好咸。而条烧鲭鱼比我想像中大条，但就略厌烧得唔够香脆，所以会有少少腥味。整体素面同鲭鱼味道都普普通通，会有种住家菜既感觉，而最大败笔又系d菜，同个素面完全唔夹呢…最后仲叫左杯latte，奶泡同温度都适中，但个人就觉得咖啡味可再浓d。另外发现咖啡同鲭鱼都几唔夹，所以有机会再黎既话唔会再嗌依两样野一齐食。