林仔茶檔 (已結業)

平时间唔中谂唔到食咩都会去茶餐厅食晚饭，但又好怕好dirty 既环境，今日经过见到油麻地新开「林仔茶档」茶餐厅，环境光猛，干净企理，座位与座位之间不逼狭，座位坐得舒适。沙嗲牛肉公仔面配火腿奄列、多士食沙嗲牛肉公仔面一定要配火腿奄列，先完美，火腿奄列，即叫即做，闻列有蛋香，入口蛋汁滑溜，火腿咸香，另外沙嗲牛肉够嫩沙嗲汁够浓，有花生香，出前一丁煮得刚刚好，唔会太淋唔会太硬。福花炒牛肉牛肉厚切，都几大块，牛肉入味软腍，椰菜花爽脆。千岛汁虾球虾球外层炸等香脆，一咬开虾球爽口弹牙又大只，再淋上千岛汁，酸甜滋味，送饭一流。金银蛋浸白菜仔份量好大碟，入面有皮蛋、咸蛋、白菜仔，白菜仔唔会煮得太腍，索晒汤汁，味道咸香，简单又好吃。杏汁猪肺汤份量十足，以到足够4-5人饮用，而且非常足料，有猪肺、鸡脚、赤肉等等，啖啖香浓的杏汁香味，饮得出真材实料煲出来，最紧要喝罢不口喝。