神石燒牛扒專門店 (碧街) (已結業)

间唔时都想自我放纵做食肉兽，但临近月尾都要悭啲洗，无意中揾到呢间超抵食既石烧牛，放题有8款肉任食都系$209，依家仲做紧追加A5和牛优惠，$1有1g，我自己都食左100g，同朋友仔食到捧住个肚走😣❀A5和牛❀用上鹿儿岛A5和牛，脂肪分布呈现雪花状，油脂丰富，够哂肥美又好香口😝❀澳洲M7黑毛和牛❀M7黑毛和牛牛肉鲜味香浓，肉汁丰富，肥瘦相间咁，口感几嫩滑，唔错。❀寿喜烧汁牛舌及牛五花❀牛舌沾上寿喜烧汁烧得惹味，口感依然爽脆唔嚡口；牛五花烧完之后油香四散，口感厚实，带有牛肉鲜味。❀美国CAB黑安格斯牛肩胛扒❀牛肩胛扒筋多，肉质结实，脂肪较平均，有肉味兼有咬口。❀澳洲谷饲100日牛扒❀呢款牛扒肉质柔软，口感丰富，点少少酱汁都好好味😚另外仲有沙律、汤+饭任食，个黑豚牛舌洋葱汤几好饮，牛舌煮到好腍，洋葱又清甜，饮左2碗好饱。