薄餅型 (已結業)

油麻地最近新开咗间pizza外卖店🍕 我见呢间价钱都亲民😯 佢哋有提供多款嘅套餐迎合各位食客，有滋味脆鸡套餐、单块薄饼套餐、一人套餐、二人套餐、三人套餐都有！啱哂买外卖去朋友屋企开party😽 今次我就拣咗二人餐($169)，有一块12吋pizza+一份意粉/蘑菇饭+2件脆鸡+2个饮品，叫二人餐真心几抵🤭 我喺店面见到几款pizza唔知点拣好，职员就主动推介我买辣肉肠薄饼或者芝士控薄饼，话呢两款系比较受欢迎👀❤️ 辣肉肠薄饼个pizza系厚底，有嚼劲😙 Toppings有意大利辣肉肠、黑橄榄、莫萨里拉芝士！通常平时黑橄榄只系放几粒点缀吓，呢度嘅黑橄榄意外地几多🤣 食落整体味道香浓而且咸香十足！大家记得趁热食😝❤️ 肉酱意粉&脆鸡估唔到呢度嘅意粉分量都几有诚意，肉酱都几多，意粉煮得啱啱好👌🏻 脆鸡有六款味道拣，第一次食就稳阵起见拣原味食😜 脆鸡炸到几香脆，我哋食完pizza再过一阵先食个炸鸡依然仲系脆😮 虽然系原味，但佢都有轻轻腌过，食完真系好饱呀🤰🏻餐厅推荐度：⭐️⭐️⭐️⭐️ (4/5)价钱抵过去帮衬连锁pizza店，又平又饱肚😎 我今日去到都已经有唔少人帮衬，大家经过可以试吓。