吞POT 雞煲火鍋.住家菜 (譽發廣場) (已結業)

今日系我第一次嚟吞pot😛朋友话第一次食一定要试辣酒煮花螺鸡煲，佢话会爱上🤣果然冇讲错，比起普通嘅鸡煲更加鲜，花螺好加分🥰而且爽口弹牙，好食。鸡件亦都唔使讲，大件啖啖肉，好神奇地煮咁耐都唔会鞋口😁👍🏻食到咁上下，就叫咗啲配料，鱼皮炸得好香脆，食唔停口。茶树菇亦都好啱鸡煲，入晒味。仲有最惊喜嘅骟牯牛。真系好新鲜好有牛味，一睇颜色就知系高等级，切得厚薄适中，而家做紧特价，238就食到一盘😎真系好抵。整体来讲，朋友真系冇介绍错，食得好开心，下次都会带屋企人过嚟食。