九龍坎麻辣火鍋

营业中

休息中

今日同朋友去咗油麻地新光商业大厦入面一间叫「九龙坎麻辣火锅」食充满四川成都风味嘅麻辣火锅，餐厅嘅装修非常华丽，四周都有唔同四川元素嘅装饰，例如京剧面具、关公像、宫廷建筑等等，餐厅环境充满宫廷风，非常有特色。我哋嗌咗经典鸳鸯锅底，一边系麻辣牛油红锅，另一边系高汤锅，啱晒钟意食麻辣嘅我同另一位唔食得辣嘅朋友。牛油红锅汤底铺满左一层厚厚嘅辣油，花椒同辣椒带出好香嘅麻辣味，极度推介大家渌肥牛嘅时候用呢个汤底，渌熟咗之后块肥牛直头连豉油都唔使点就已经好够味；高汤锅入面有红萝卜、白萝卜、粟米等等嘅配料，最啱用嚟渌蔬菜。我哋嗌咗一米雪花牛、爽脆鹅肠、龙虾丸、石磨嫩豆腐、炸响铃同油麦菜。雪花牛上枱嘅排场好震撼，用一块一米长嘅木板放住大约十几件嘅雪花肥牛，牛肉咬落去有口感，份量好充足，令我哋食得好满足；爽脆鹅肠嘅份量唔少，内脏处理得几干净，唔会黐住脂肪；龙虾丸亦都爽口弹牙；石磨豆腐嘅外皮比较厚身，放落去火锅入面渌都唔容易散开，食落去好重豆香味；炸响铃几新鲜；油麦菜吸晒汤底嘅精华。另外，食麻辣火锅一定要嗌返杯冻饮解下辣同油腻感，我哋嗌咗百香果柠檬茶，味道酸酸甜甜，整体感觉唔会太甜得嚟又几清新，食完咁多浓味