URBAN Cafe (彌敦道)

营业中

休息中

Weekend Vibe! 同Bff决定黎系旺角享负盛名嘅Urban Cafe享受治愈嘅一餐。餐汤系忌廉南瓜汤好香甜，有一丝丝嘅南瓜蓉。是日沙律有生菜、蕃茄同菠萝。开完胃主菜就黎！！主菜之一点咗即磨芝士黑松露野菌大啡菇忌廉意大利饭。意大利饭系经过改良，配合返港人口味，比较软身，米粒中间唔会硬。饭好Creamy， 而唔腻。未食已闻到磨菇味，食落仲有芝士咸香同淡淡黑松露味。欣赏饭中有细小切粒嘅青椒，增加口感。意大利饭冇肉，另一款主菜— 西班牙黑毛猪肋骨，两大件猪肋骨满足我地两位食肉兽，均衡饮食。猪肋骨煮得刚刚好，肉质好嫩滑， 一切就得骨肉分明。肋骨之间有少少油脂，好邪恶但好juicy。烧得好嘅肉配简简单单配BBQ sauce已经足够，酱应该有Tabasco 为base，少少辣辣地。饮品加钱转Oreo脆脆朱古力沙冰，每一口都有oreo碎 ，朱古力味浓郁。甜品叫咗雪山心太软，可惜当日只系剩返抹茶味，$25一份心太软好抵。一切心太软就有流心效果，食落暖暖地，配埋咖啡果仁雪糕，口里一冷一热。期待下次再黎发掘其他好西，同埋探猫猫。