富士山55 (拉麵沾麵專門店) (已結業)

经常食日本野既我已经有好一段时间无食过沾面，实在忍唔住，要食一次，于是就嚟左呢度。知道呢间餐厅尖沙咀都有分店，不过今日铜锣湾食比较就脚。餐厅唔算好大，同好多拉面餐厅一样，都系主打拉面。不过对于拉面，自己特别钟意食沾面，钟意将面放到汤食既感觉。特浓豚骨沾面上枱既时候有一个金属碗载住特浓豚骨汤，另一个碗载有拉面，日式叉烧同埋半熟蛋。将面和其他材料放到特浓豚骨汤中捞匀，我觉得咁样既食法更能够完全品尝到汤真正既味道，最原汁原味。虽然选左特浓豚骨汤，但就觉得呢个浓道几岩自己。食完沾面之后我再加一个日式芝士杂坎。每张枱上面都会有一个电磁炉，将载有特浓豚骨汤既金属碗放到电磁炉加热，然后再将饭同芝士放入去一齐煮。看似好简单既步骤，原来都需要技术，因为饭同汤既份量要控得好好，汤太多饭太少会变得无味，汤太少饭太多就会煮㶶。所以呢个过程店员都会好贴心帮客人处理。煮出嚟既饭黏黏地，拿起会见到拉丝。因为饭吸收左汤既精华，所以饭都变得深色，入口味道香浓同埋都几漏，细细个饭已经好饱。呢个一面两食都几特别，而且一般餐厅都唔会系枱度准备电磁炉去将汤加热，所以嚟到呢度真系值得试下。