東京築地拉麵 (已結業)

蓝妹唔知点解对沾面情有独钟，比起一般汤拉面，见到有沾面食会更开心！入呢间铺头既时候，冇谂过佢有哂蓝妹钟意既鸡白汤同沾面！😱拉面店通常都系得几款面嫁啦，不过唔洗多，最紧要好食！既然蓝妹钟意食鸡白汤同沾面，冇理由唔食啊。😁－芦荟提子梳打冰好似冇芦荟？佢就系普通既有汽提子汁，胜在够大杯。－樱花虾沾面一碗系面同腩肉，另一碗系虾汤。面系自家制既，口感唔错，偏烟韧，虽然未去到令蓝妹好钟意既程度，但挂汤效果唔错呢。腩肉一啲都唔硬呢，唔会柴皮咁，厚厚一层肥膏，真系有啲吓人。😬一大啖咁食落去，油香好重，不过唔可以食得多，太肥腻啦。樱花虾汤，虾味真系好重，就咁饮一啖试下，超咸！😵用面条沾汤去食，即刻冇咁咸，好惹味呢。整体黎讲比蓝妹预期出色，如果冇咁咸会好好多。😯－浓厚鸡白汤拉面蓝妹系日本食过鸡白汤拉面，觉得好特别，香港亦比较少拉面店有。呢间既鸡白汤拉面，一定冇日本既咁好食，汤头清淡，有淡淡既鸡汤味，唔错。😋不过好奇怪，愈食就会愈淡，去到后面直头觉得冇乜味了。但系鸡件值得一赞，唔会老，鸡味好浓郁，好好味。😍－胡麻冷菠菜菠菜份量唔少，麻酱超级多，多到酸啊。菠菜唔会好老，冻食好开胃。😉－整体呢餐比蓝妹预期好食，