風雲丸

营业中

休息中

尖沙咀来到人来人往的K11 art hall，而出边条街，同样人来人往的么地道，有一间日式舖头喺某个十字街口耸立著，次次经过见好多人排队，今天时间早啲，啱开门做生意，唔需要排队就入到来，佢就系“风云丸”，吃沾面出名的“风云丸”。首先叫咗个“石烧浓厚豚骨鱼介味玉沾面”，汤底浓厚的沾面料理系呢家有名气的出品，各类鱼介熬成的汤底好够味同埋鲜甜，配埋质地系柔和可完美挂汤的面条，又有笋片及流心蛋，再加旧大大旧慢煮的豚肉，好得人钟意，现场所见，连外国人都来食吖；鳗鱼不嬲系朋友喜爱之食物，于是乎“石烧鳗鱼饭”就系佢嘅选择， 厚厚肉的鳗鱼烧得好香口，食落啖啖肉劲开心；再来个“辛口沙拉羽根饺子”，首先见到系5只饺子煎到好特别，有一层薄薄的皮将5只饺子连埋一齐，跟住上边落咗啲辣的酱汁，特别得来好味。来自日本高知県的“柚子雪葩”（sorbet）和“米雪糕”为呢餐写上完美句号。