多賀野 (K11 Musea)

营业中

休息中

之前食过一两次期间限定嘅炸蚝沾面，觉得佢嘅沾面几好食。今次同朋友食饭都拣咗呢间。可能BOOK咗枱，佢安排我地坐最入嘅圆枱，好松动同有PRIVACY。今次无咗期间限定，拣咗豚鸭沾面，辛辣沾面，酱油拉面，炸鸡，饺子，同埋椰子雪葩。豚鸭沾面无之前食嘅蚝或者蟹个汤咁浓郁，相对比较清淡。朋友食嘅辛辣沾面佢话几好味，系辣咗少少，另一个酱油拉面就正常发挥。炸鸡最有惊喜，热辣辣，好脆好味。饺子就一般，无乜特别。最尾要咗个椰子雪葩，之前试过桃味几正，可惜苹果同桃味都无晒。椰子雪葩味道都几好，不过质地就比较似雪糕多啲。食物质素都唔错，价钱算贵贵地，环境都靓好坐嘅，亦都无分时段会赶人走。