鶴亀 (已結業)

一直以来都久仰大名今次终于有机会嚟到尖沙咀试呢间沾面黄店，先说结论，沾面来讲其实都食过唔少，今次系最令人失望嘅一次。首先讲门面，感觉上系普普通通嘅日式设计，但唔会有好多拉面店故意营造𠮶种逼夹、坐吧枱嘅感觉。服务都算几好，会不断帮你添水，店员亦都亲切。而选择都不过不失，还好啦。终于讲到食物：第一、个面相对而言比较幼身，而且系圆条拉面，比较难去挂住个汤汁，加上佢个汤汁本身已经比较稀，所以基本上一定要有匙羹嘅辅助先可以完整咁品尝到汤汁加面条𠮶种感觉。第二、个汤汁明显唔系经过熬制而成，有味精味，饮完会有口渴嘅感觉，（which解释到点解经常帮你添水）。第三、配菜都系合格边缘，溏心蛋唔够溏心、竹笋唔系爽口而喺有一种林林地嘅感觉，臀肉比较柴，而且好薄。令到我哋出餐厅门口嘅时候见到有人排队，都觉得好惊讶我只系试过一次，所以只能够成为一家之言，希望依间店可以一直进步，吸引我第二次惠顾。