富士山55 (拉麵沾麵專門店) (已結業)

间舖头虽然离地铁站有一段距离，但系都唔太难揾。之前试过佢哋尖沙咀嘅分店，今次咁啱喺铜锣湾附近，试一试呢一间嘅水准系咪一样咁高啦。店舖面积唔大，不过都几企理。拉面可以拣走葱、走芽菜、走椰菜、走蒜头，面嘅硬度有硬、中、软三种。间舖好贴心咁，有poster教大家正宗嘅沾面食法。特浓豚骨沾面，汤同埋面分开上，面条够晒弹牙，挂汤能力不俗，叉烧食落口亦唔觉太肥，半熟蛋做到流心嘅效果，只系味道唔够浓，不过啲笋就唔太爽脆，整体而言，喺香港嚟讲水准系唔错。