麵の四

营业中

休息中

拉面界即将掀起一场腥风血雨嘅决斗，究竟汤面同沾面边个可以成为我的最爱？！嚟到筲箕湾嘅面の四，一推开门，随即传嚟一阵非常香浓嘅汤底味道，要知道一碗成功嘅拉面，汤底绝对系关键所在，而面の四嘅汤面同沾面各有特色，令人非常期待！胡麻冻豆腐芝麻酱同木鱼绝对系冻豆腐嘅精髓，另外加上青葱，令非常滑溜嘅冻豆腐，口感层次大大提升。蒜香鸡翼蒜香鸡翼带有香浓嘅牛油味偏重，外皮香脆，肉质Juicy。清酒煮蚬蚬肉胀卜卜，喺鲜甜嘅味道上带有清酒嘅酒香，非常优雅。关东煮想知关东煮好唔好食，望吓萝卜就知！萝卜够晒深色，非常入味。其他配料仲有蒟蒻、豆腐、竹轮等等，每件配菜都大大件，索晒汤非常鲜甜。赤海鲜拉面辣度可以自己拣，唔食得太辣都无问题。海鲜配料有青口、蚬、八爪鱼、虾等，份量十足之余，仲令汤底多咗一份鲜甜味，非常惊喜。黑蒜油白豚沾面白豚被师傅烧至㶶边，劲香呀，而且食落口会有少少外脆内软嘅感觉。至于汤底唔会过咸，黑蒜油味道持久，当偏粗身嘅沾面落汤后，非常挂汤，够晒惹味。