俺之沾麵專門店 (已結業)

呢一间沾面小店位于炮台山，炮台山地铁站一出大约5至10分钟到就到。夜晚七点几去到，都会见到唔少人排队。因为店内环境唔算大，得几张枱，所以多数都要等位。排得队都有佢嘅原因，因为都真系几好味。呢间小店冇乜特别装修，餐牌亦都冇乜食物款式。佢只做三款沾面，一个系黑蒜，另一个系原味，第三个就系蕃茄味。每款＄88，我今次叫咗黑蒜沾面，佢沾面嘅汤汁系好浓稠，所以每一啖沾面都索晒啲汤汁，浆住个口，好好味！食完个面，个汤仲可以加鱼汤饮埋！其实都好好味，不过都有唔少油，所以我就只饮少少。