新麻蒲 BBQ (新都會廣場) (已結業)

最近新都会大翻身，多咗好多唔同嘅餐厅，特别系韩国菜。话就话系一楼，其实就系地库。前菜~韩式生牛肉拌饭＄88中间𠮶啲冇花冇假，真系生嘅牛肉，不过就经过少少调味，所以有啲咸香。除咗生牛肉之外，仲有好多配料，包括青瓜，豆芽，萝卜，冬菇，生蛋等等⋯搅拌之后味道好突出，特别有啲芝麻吊起左个味道，个饭都几大份，好够饱！韩式酱油腌生蟹拌饭＄178食生蟹又真系几吸引，平时中菜食大肉蟹就食得多，韩国风格嘅蟹都真系好少食。旁边有一个饭，有好多材料，本身生蟹有啲咸香，加埋酱汁就更加浓郁。加饭就中和左个味道，仲有啲蟹膏鲜味十足！唔好唔记得食里面啲蟹肉，软林林又有弹性，好得意。韩式酱油鲍鱼＄118酱油鲍鱼系熟嘅，好弹下又爽口， size唔算太大，胜在味道够入味，小小咸。又唔使太担心味道过浓，因为真系啱啱好，热力都系暖暖地。Fly high$88 冇酒精I'm Fine $88 无酒精一个就系士多啤梨味，另外一个就系菠萝味，两个都好清新，我就觉得士多啤梨味𠮶个浓郁啲，菠萝味就清新啲，睇返各人口味。上面有一支苹果汁，我哋掹咗佢出嚟发现就咁饮实在太甜，所以一定要沟！劲大！都系两个人饮一杯好啲。