影片
更多
2014-01-07
5262 浏览
Honey的朋友昨夜即兴约我们今天饮茶, 将我们的部署大大打乱, 唔系因为好耐无见佢太太同对仔女, 真系唔想骚佢, 哈哈...比咗2个选择佢拣, 佢竟然话泊车方便紧要过食物好味, 比佢激晕... 帮衬富嘉阁可以系嘉里中心免费泊车2小时, 而且有电梯直达, 咁带住2个幼童出入又真系几方便嘅, 就算落大雨都无有怕...呢度座位又宽敞, 装修又雅致, 又有公园景+海景, 酒店管理, 真系见得下人... 价钱唔系话好贵, 唯一系无特价茶市啰, 所以都唔爆, 实有位...呢间房系嘉里老细专用...朋友初时约12点, 之后又话12点半, 我地临出门口时又打电话来话1点, 咁谂住都系等一阵, 懒得改Booking, 我地12点半准时到, 见佢地话1点来, 我叫咗桂花豆沙包同马拉糕食住等, 食完先醒起无影相, 哈哈... 等了又等... 等了又等... 结果佢地2点先到, 话刚才去了幼稚园报名!!! 唉... 好彩我地都无比职员黑面, 去第2度的话肯定黑爆, 阻人张枱咁耐...桂花豆沙包 $27-- 好好味, 必吃, 桂花味超级香, 豆沙又香又甜, 我自己独力可以食晒3个...怀旧麒麟马拉糕 $18-
比咗2个选择佢拣, 佢竟然话泊车方便紧要过食物好味, 比佢激晕... 帮衬富嘉阁可以系嘉里中心免费泊车2小时, 而且有电梯直达, 咁带住2个幼童出入又真系几方便嘅, 就算落大雨都无有怕...
呢度座位又宽敞, 装修又雅致, 又有公园景+海景, 酒店管理, 真系见得下人... 价钱唔系话好贵, 唯一系无特价茶市啰, 所以都唔爆, 实有位...
呢间房系嘉里老细专用...
朋友初时约12点, 之后又话12点半, 我地临出门口时又打电话来话1点, 咁谂住都系等一阵, 懒得改Booking, 我地12点半准时到, 见佢地话1点来, 我叫咗桂花豆沙包同马拉糕食住等, 食完先醒起无影相, 哈哈... 等了又等... 等了又等... 结果佢地2点先到, 话刚才去了幼稚园报名!!! 唉... 好彩我地都无比职员黑面, 去第2度的话肯定黑爆, 阻人张枱咁耐...桂花豆沙包 $27
-- 好好味, 必吃, 桂花味超级香, 豆沙又香又甜, 我自己独力可以食晒3个...
怀旧麒麟马拉糕 $18
-- 味道没什特别, 湿润松软, 气孔分布亦不错...
朋友来到, 要麻烦佢太太落单了, 因为唔知2个幼童可以吃什么...
豉汁王肉丝炒面 $98
-- 从少不喜欢吃面, 怕枧水味, 所以未试过呢度嘅粉面... 见到炒面上桌时, 未有冲动吃, 待放凉了之后, 夹了少许试味... 哗!!! 好好味呀!!! 甜甜地好香口, 炒得好干身, 面身条条分明, 仲好味过平时食开的干炒牛河...
上汤浸鲜竹卷 $23-- 我系劲Dislike鲜竹卷的人, 今日唔知系咪等到傻咗, 居然走去剔鲜竹卷, 出奇地又几好味㖞, 无咗其他酒楼的鲜竹卷怪味, 多了一份甜味, 入面只虾仲好大只, 同埋整片腐皮都好湿润, 好柔软..
白布拉滑肠粉 $18-- 肠粉滑溜, 酱汁另上, 小朋友食白肠, 我当然系狂浸甜酱同麻酱啦...
冬菇切肉烧卖皇 $27-- 切肉烧卖好扎实, 鲜味多汁, 小朋友手指指话Yellow, 父母即时夹1粒剪开做4份比佢地慢慢品尝...
鲍汁蒸凤爪 $27
-- 凤爪都蒸得软腍, 但不是溶化的程度, 酱汁好惹味, 平时我一个人可以干掉, 估唔到朋友又会比对仔女食㖞, 当然系去骨后, 小朋友重食得好滋味要encore...
笋尖虾饺皇 $35-- 小朋友的至爱, 佢地父母帮佢剪走晶莹剔透的虾皮后, 佢地剩系食大大只的虾肉, 皮真留比父母食, 难怪朋友话泊车方便紧要过食物好味, 明晒, 嘿嘿...
迷你蛋挞仔 $23
-- 小朋友的至爱, 唔敢同佢地争, 见佢自携的胶匙刚好可舀起整个蛋挞馅(佢地唔食皮的, 哈哈), 放入口即吐出来, 我估可能个底仲好烫嘴, 虽然摆咗系枱面都好耐...
小朋友食饱饱就要落地行, 走咗去落地玻璃窗果便睇马路上的车车... 好彩隔离2张枱都无人坐, 小朋友不停行过去又行返来都唔会骚扰到人... 朋友坐足2小时 (我地住足3个半小时), 朋友的太太第一次来, 好似几欣赏呢度, 话可以hea好耐... 我叫佢下次来订窗口位, 对仔女可以直接睇车车, 唔使落地...Honey去洗手间其间, 朋友俩公婆争住埋单, 其实我都有伸手去争, 不过输了... 想夹返钱佢地又唔肯收, 我都唔知今餐几钱...
张贴
