影片
更多
2006-10-24
11 浏览
上个礼拜有晚放工同妈仔食饭, 佢突然话想去试吓㖞(之前同佢提过)本打算坐低食，但可惜地方太细兼冇晒位，所以就索性买外卖返屋企慢慢叹. 多数海鲜已整熟放系雪柜冻食，而我地只系买咗３样嘢咋,如下：~ 法冷西面包蟹＜－－－主打重点呢类蟹有３种size(每只价钱168/148/108). 我地拣咗最大果种, 嘻~真系冇吹水，成只蟹ｄ膏同肉系多到呢．．．．．一个人系食唔晒架～～！！！佢地会帮我地斩件方便食，好好service．讲返只蟹先，咪讲笑，d 蟹膏真系超多顶晒角，有实膏同烂膏. 果种蟹膏味我唔识形容，但同平时食开ｄ膏蟹／大闸蟹既膏系唔同架，确系甜ｄ架㖞！！！！仲有呀，个蟹盖底部有劲多蛋白质既物体好香滑（有ｄ似食蛋白咁）但系系好有海鲜味嘅蛋白啰，超甜呀．不过估唔到原来食蟹钳先系最麻烦（个壳太硬，一定咬唔烂）由于我屋冇架生夹爆佢，只能慢慢用大闸蟹筷子撩ｄ肉出黎食，难处系仲要隔住果个三角位去撩，少ｄ耐性都唔得．嗱～如果觉得$168/只太贵，可以试下细只ｄ先($108/只) 两个人食一只都得架喇~ 南非龙虾仔（$88／只）＜－－－谂住试吓由于冇晒特大濑尿虾， 见佢平平地就买咗一只试吓， 谂住一人一
~ 法冷西面包蟹＜－－－主打重点
呢类蟹有３种size(每只价钱168/148/108). 我地拣咗最大果种, 嘻~
真系冇吹水，成只蟹ｄ膏同肉系多到呢．．．．．一个人系食唔晒架～～！！！佢地会帮我地斩件方便食，好好service．讲返只蟹先，咪讲笑，d 蟹膏真系超多顶晒角，有实膏同烂膏. 果种蟹膏味我唔识形容，但同平时食开ｄ膏蟹／大闸蟹既膏系唔同架，确系甜ｄ架㖞！！！！仲有呀，个蟹盖底部有劲多蛋白质既物体好香滑（有ｄ似食蛋白咁）但系系好有海鲜味嘅蛋白啰，超甜呀．不过估唔到原来食蟹钳先系最麻烦（个壳太硬，一定咬唔烂）由于我屋冇架生夹爆佢，只能慢慢用大闸蟹筷子撩ｄ肉出黎食，难处系仲要隔住果个三角位去撩，少ｄ耐性都唔得．
嗱～如果觉得$168/只太贵，可以试下细只ｄ先($108/只) 两个人食一只都得架喇
~ 南非龙虾仔（$88／只）＜－－－谂住试吓
由于冇晒特大濑尿虾， 见佢平平地就买咗一只试吓， 谂住一人一半啱啱好嘛！虽然都系冻食，但只虾煮到啱啱熟唔un又唔鞋口, 的确系好用鲜味哦～！！先食虾身，咬落啖啖肉劲弹牙，肉汁又够鲜甜～正呀～！我最钟意虾头上D少少虾膏, 绝对不容忽视，甘香又滑流架．，，必食之选！
其实佢d龙虾有好多种，呢种最平，贵ｄ当然系大只好多啦，我地两个人食，呢个份量差唔多啦
~ 翡翠螺（$３8／８只）＜－－－见砰就顺便
即系咁，在下就唔太喜欢食螺啰，见妈仔想食，食一只半只我都哽得落嘅．不过．．唔．．．我自己就唔太喜欢呢个啰．冇乜意见．咁老实讲，３８蚊８只真系抵食架（我曾经系鲤景湾某食店order过系100蚊4只啰!)
另外, 我见到食嘢嘅人多数都有饮少少红酒, 唔知系咪好味D呢????
总括黎讲～
1. 环境: 真系麻麻, 地方太细, 感觉会好迫.
2. 味道: 我同妈仔都觉得呢餐好好味~疴衣思~ 我地打算下次试第二ｄ海鲜，嘻～！
3.服务: 好好,虽然佢地好忙(不停咁转来转去), 但都好有耐性等我地慢慢拣嘢食同分析食边样. 而且如果开咗唔靓系唔会比我地㖞.
4. 抵食: 虽然食三样嘢每人平均$150, 但我地都觉得好抵食！
5. 干净: 地方细唔多嘢抹,而且仲系好新净
6. 总体上: 炒虾拆蟹咁大工程都系外卖返屋企食会好d.
张贴