喜越 (已結業)

前两日同朋友黎铜锣湾睇戏，睇完戏见肚饿就系附近揾下野食。呢间舖头外观同个招牌有d似甜品店，但原来系食越南菜，又几靓㖞！Menu 有法包、河粉、捞檬、小食；我问老板有咩推介，佢就介绍我地食法包啦，话呢度主打。我地叫左叉烧法包同手撕牛肉法包法包有辣有唔辣，我地拣左辣啦，估唔到个hot source又几夹个法包㖞！！小小辣刺激下，几开胃，食完想再食呀！ 个包外脆内软，唔太干身，都几好食！唔似平时d法国面包咁好硬。叉烧法包有叉烧、蛋、扎肉、碎肉、萝卜丝。难怪叫House, 材料丰富。个酱汁份量岩岩好，唔会漏晒出黎，而且好好味，我问老板系咩酱黎，佢话系自家手打蛋黄酱同猪肝酱 ， 真系好用心呀。而另一款手撕牛肉法包就系用新鲜的牛仔骨整个酱汁嘅，牛味好出！ 材料冇上一款法包咁丰富，但味道几正！另外叫左炸鱼饼同埋扎肉粉卷炸鱼饼好有鱼香，味道唔假，有香草mix埋，个皮炸到几烟韧👍🏻同个hot source好夹！！我好钟意呢款小食！！扎肉蒸粉卷唔洗点酱汁都够味，菇味重，加埋d脆蒜，食落口感丰富。菠萝冰有劲多菠萝！！味道系新鲜菠萝，几甜几好饮估唔到呢附近有间咁用心经营的小店真心好食