添記法式三文治

营业中

休息中

唔好睇小呢一间睇落去好似好旧嘅法式三文治小店，其实佢喺呢区已经多年屹立不倒，好有名气 佢位于佐敦渡船街，我记得细细个妈咪成日带我黎食，好细个小店已经喺度佢主打嘅系越南法包。我细细个已经爱上咗佢嘅蒜蓉包同法包听闻好似系越南华侨开嘅。 店舖虽小但五脏俱全店内仲会售卖唔同嘅粉面、酱汁等，有d系来自越南!今日经开呢度附近，已经食完晚饭，其实都饱，但系都忍唔住去买个蒜蓉包食真系冇夸张，我食咗好多唔同嘅蒜蓉包，我始终觉得呢一间系我食过最好食嘅蒜蓉包可能我本身真系好钟意食蒜蓉包，呢一间嘅蒜蓉包系即叫即焗，焗得好香脆而且蒜蓉同埋牛油嘅配搭份量啱啱好，刚刚焗好热辣辣，一咬落去卜卜脆蒜蓉香味充满整个口，好好味而且仲有少少嘅蒜蓉粒即食! 另外亦都买咗细法包听日食， 由于听日食，所以通常我都会叫老板将啲瓜类菜类分开，免得会令到个包变咗。当听日想食嘅时候先至自己加返落去再提及一次，佢啲法包系特别香脆，而且入面仲有唔同嘅配菜:有越南扎肉、酸瓜、红萝卜条等蔬菜。食落去味道充满越南风味 其实讲系好难形容佢有几松脆好味，真系要买一个试下先至知道 有机会大家真系可以去试下 宜家呢啲小店真系买少见少，值得支持，食落唔止好味