BriKetenia (已結業)

法国菜同观塘真系好唔夹，带著一星大厨嘅名衔黎香港开铺，睇黎都吸引到一班平民到访试一试，包括我餐厅位置都方便，系观塘广场旁边，离地铁站都系行5分钟左右。餐厅装修行古旧风格，以现今嘅西餐厅黎比，佢坐位比较阔，坐得好舒适。头盘食左北海道带子簿片，卖相都有d睇头，拍得住高级餐厅，不过味道就比较淡，无乜味咁，如果有多d seasoning 就好。另外头盘就食左大虾意大利饭，两只虾几大只，不过饭就有d干，个人就比较钟意水d嘅 risotto。另外叫左澳洲A6和牛扒，牛肉脂肪多，所以都几林几好味，不过始终系澳洲牛，牛味一定无美国牛咁浓，不过都好食！同埋我欣赏佢嘅薯仔批，一层一层叠起，薯仔迷一定钟意！甜品叫左两款，老实讲，好普通！同法国甜品standard差一大截…有d失望。整体:如果你真系谂住用呢个价钱食到星级菜，我可以话你知你会失望。如果你以平常心去食呢一个西餐，你会觉得佢系观塘黎讲又贵左少少。