影片
更多
2022-09-22
858 浏览
同朋友嚟到湾仔区食饭，想揾啲有特色又环境唔错嘅餐厅，所以就拣咗La Creperi，由于我系第一次食法国🇫🇷菜，所以事前都做咗少少准备功夫，了解一下有咩食😋😋La Creperi 系一间专食Crepe(可丽饼）嘅餐厅，基本上除咗pasta之外，每款菜都有块薄饼做底。多数人会形容可丽饼有咸/甜食，虽然都系煎饼，但其实系两款饼嚟，粉浆成份不同，口感上会亦有差异。La Creperi 嘅咸食(Galette)饼感较甜食(Crepe)薄及脆。而crepe口感就似似地好薄嘅pancake，比较烟靭同软身。唔讲咁多，即刻睇吓当晚我哋食咗啲咩～～当日我哋叫咗个Party set for 3/4, 一枝苹果酒及Lobster pasta。苹果酒酒精浓度4.5%，朋友们觉得似果汁🍹，都几好饮嘅。而法国可丽饼来源地会用好似碗嘅杯饮酒，所以餐厅都系用碗仔饮酒🍻。Starters：Blinis烟三文鱼整成玫瑰花形状，中间夹住mascarpone cheese，用咗Galette饼做底。一啖食哂落肚，三文鱼好香，咸度适中，配合埋芝士同少少脆嘅薄饼，好食😋推介👌🏻Octopus carpaccio 薄切生八爪鱼🐙
La Creperi 系一间专食Crepe(可丽饼）嘅餐厅，基本上除咗pasta之外，每款菜都有块薄饼做底。多数人会形容可丽饼有咸/甜食，虽然都系煎饼，但其实系两款饼嚟，粉浆成份不同，口感上会亦有差异。La Creperi 嘅咸食(Galette)饼感较甜食(Crepe)薄及脆。而crepe口感就似似地好薄嘅pancake，比较烟靭同软身。
唔讲咁多，即刻睇吓当晚我哋食咗啲咩～～
当日我哋叫咗个Party set for 3/4, 一枝苹果酒及Lobster pasta。
苹果酒酒精浓度4.5%，朋友们觉得似果汁🍹，都几好饮嘅。而法国可丽饼来源地会用好似碗嘅杯饮酒，所以餐厅都系用碗仔饮酒🍻。
78 浏览
0 赞好
0 留言
Starters：
Blinis
烟三文鱼整成玫瑰花形状，中间夹住mascarpone cheese，用咗Galette饼做底。一啖食哂落肚，三文鱼好香，咸度适中，配合埋芝士同少少脆嘅薄饼，好食😋推介👌🏻
31 浏览
1 赞好
0 留言
Octopus carpaccio
薄切生八爪鱼🐙，再淋上橄榄油柠檬汁。真系好薄唔靭，个汁似加咗少少醋，但似熟嘅八瓜鱼，生嘅应该透明啲？！我几钟意佢咸咸酸酸嘅汁，可以带出八爪鱼味。
68 浏览
0 赞好
0 留言
Main：
Lobster salad
龙虾沙律（呢个佢哋当前菜同starters一齐上枱）龙虾肉好弹牙，全碟大约有8-10旧。沙律菜正常几新鲜，蕃茄仔唔酸👍🏻，西柚仲好甜，沙律醋亦好好味。如果觉得太咸，建议加埋饼底一齐食，由于中间有沙律汁浸到，饼会林咗，钟意食脆嘅可以食边位嘅饼底。
38 浏览
0 赞好
0 留言
La Marin
白酒汁带子蘑菇烟肉饼，白酒汁好creamy，配合饼底一齐食冇咁油腻同咸，可平衡返忌廉质感带腻口感😋。带子比相片细粒，煎得够香好食嘅。不过啲带子似系想令呢款菜卖贵啲而加落去咁😂
28 浏览
0 赞好
0 留言
Truffle pasta
黑松露扁意粉，上菜时超香，但食落有啲失望，好普通嘅意粉，冇咩惊喜，不过不失。
21 浏览
0 赞好
0 留言
Lobster pasta
呢个龙虾意粉系我特登加，因为网上评语唔错，所以就叫咗。不过大为失望，首先龙虾肉未及沙律个啲咁好食同多，而蕃茄汁亦好淡冇咩味，加上意粉唔挂汁，食落就更加失色，其实睇相都见到冇咩色…连埋加一成$200一碟嘅意粉，我唔建议🥱
16 浏览
0 赞好
0 留言
Dessert：
La Defi
焦糖雪糕香蕉可丽饼，佢系拖肥焦糖，加埋香蕉及可丽饼可以中和甜度，钟意甜食及焦糖嘅人一定钟意❤️，推荐推荐！
21 浏览
0 赞好
0 留言
La Sexy Suzette
芒果雪芭配柠檬酱橙酒可丽饼，首先拣佢因为佢有火睇😂，有show睇可以加分，另外佢系酸味可丽饼，同焦糖一齐食就可达到解腻做用。但唔知系咪因为烧到青柠皮嘅关系，部分酱系苦嫁🤮搞到其中一位朋友唔敢再食，建议可以刮走少少酱同加埋芒果雪芭一齐食，都几好食嘅，但我会推荐焦糖多啲。
La Sexy Suzette
23 浏览
1 赞好
0 留言
关于服务方面，钟意佢哋上菜就返客人，先上starters, 等到你食哂/食到咁上下先上main, 最后再慢慢上甜品。当然你食得快都可以要求佢哋上快啲，但我就钟意慢慢食，饮下嘢倾下偈咁。同埋斟水都好密，唔会懒懒行
最后餐厅环境同预期差唔多，因为入座时已有其他客人，不便拍照，网上有好多相大家可以参考下。座位唔会太窄，坐得都几舒服，枱与枱之间亦唔会太逼，当晚餐厅得4-5枱客，所以好静，好适合一班人慢慢倾住偈食。总括而言，推介大家一试，因为价钱合理而且质素不错
张贴
