Crêpe Delicious (MOKO新世紀廣場) (已搬遷) 新店位置

闲日放假行街街，真系好舒服乜都唔使同人迫，餐厅又唔使等位去High tea又有选择，终于有种享受慢活嘅感觉行到攰，拣咗呢间主打食法式可丽饼Crepe嘅Cafe坐吓，虽然地方唔算好大，但系坐得都好舒服同埋好干净见到Menu，可丽饼既选择花多眼乱，有咸又有甜，仲有好多好多主食同甜品又好吸引，好想叫晒佢，可惜眼阔肚窄。朱古力榛子，榛子味非常之浓郁，适合我哋呢啲喜欢榛子既榛子控，而且上面都有少少果仁，令口感加分。另外卖相美观，杯口有榛子粒粒去装饰，适合姊妹们打卡。芝味三文鱼crepe，原来系即叫即整，一嚟到已经俾上面既三文鱼花吸引住，虽然外表简洁，但系内涵丰富，有牛油果、烟三文鱼、香草、洋葱、芝士喺入边，口感层次丰富，主打可丽饼嘅Cafe点都要拣翻件可丽饼黎试吓啦。美式手撕猪肉puff pizza，系酥皮底，感觉有少少似牛角包，食落去多左一份既香脆酥软，而且手撕猪肉都好野味，带出成个pizza既精髓。依个份量我钟意，一碟四件同人开心share，一人两件又唔太多又岩岩好。香蕉船压轴出场，估唔到比想像中出色㖞。内层有三种口味嘅雪糕，分别系朱古力、士多啤梨、云呢拿， 雪糕口感有少少似雪芭，系好食既。