The Pudding Nouveau (已結業)

朋友最怕去啲过份热闹嘅餐厅, 今日为咗同佢庆祝生日, 就拣咗呢位于大坑嘅小餐厅, 店内装修踏实却不失格调, 店舖面积不大,就算坐满人都唔会过份嘈吵。睇睇meun, 主菜全部有图, 啱晒我呢啲以貌点菜嘅人！今晚决定试试餐厅主打Lobster Tail Angel Hair！Lobster Tail Angel Hair $198未上台先闻到浓郁嘅龙虾香气！大大件龙虾尾非常抢眼, 虾肉丰厚爽弹, 以姜葱烹调惹味得嚟又唔会太重口味, 意粉嘅软硬度仲控制得啱啱好, 赞！Curry Cray Fish Croque Monsieur $148香脆面包上覆盖著一层香软芝士, 馅料以咖喱小龙虾代替Croque Monsieur嘅经典火腿馅。味道出奇地夹！预先联络餐厅仲可以帮手制造小惊喜。Deluxe Tiramisu $118一口包含一层cream、一层homemade ice cream、一层Tiramisu, 软滑口感令人回味。Mocha $42 咖啡味香醇, 朱古力同奶味平衡得宜。Fresh Lime Mint Soda $48梳打酸度不低, 但胜在附上糖浆, 可以甜度可以自由控制。