麵道 (已結業)

因为工作嚟到石门，平时好少去这一区食嘢，这一日细心睇吓先见到原来好多食店。夜晚嘅时候好多人由工业或商业大厦步出放工，港铁站旁边亦有人Busking，加上少少树上嘅灯泡灯光，感觉特别轻松舒服，这次我哋揾一间拉面店食我哋嘅晚餐。小店感觉几舒服，店员友善。我哋坐咗系一个安静舒服嘅角落位，可以食拉面嘅同时倾吓计。佢哋有好几个汤底选择今次我哋点咗一个期间限定嘅汤底：慢煮鸭胸蚬贝汤。另外一个就点咗比较感觉传统嘅酱油豚骨汤。法式慢煮鸭胸蚬贝汤拉面蚬贝汤鲜甜，汤里面加了柚子及黑松露，更提升香味。 法式慢煮鸭胸感觉滑身，呢个配搭都几啱女仔嘅口味。叉烧味玉豚骨酱油汤拉面酱油汤拉面一向系稳阵之选。汤底浓郁，糖心蛋好味，豚骨都好林。柚子味莲藕片酸酸甜甜，前菜健康之选。啤酒炸鸡锤鸡皮揸得香脆，鸡肉几滑橙味碳酸饮品酸甜适中，够多气，好味。作为小食都唔错芝士天妇罗无骨鸡翼已想不到份量几大，鸡翼被口口嘅芝士包围着，感觉几特别。鸡翼已经去骨，方便客人进食，啖啖肉。整体而言，这间拉面店感觉唔错。下次可以点选其他汤底味道。