Achacha Food & Beverage Boutique (已結業)

呢间餐厅同我个名一样，咁有缘点可以唔入去试下xD✨晚餐价钱唔算好贵，而且环境都唔错，啱晒三五知己一齐倾餐饱。✨ 叫左一个Set dinner ,小食可以四㨂二～✨是日餐汤： 呢个南瓜汤带点杰身，入面有好多南瓜蓉，味道几清新。餐包几特别，入面有d 无花果干，食落甜甜地，d 籽又脆卜卜。✨薄切烟三文鱼：一客有三大片，上面有d 蕃茄同洋葱粒，个汁酸酸地，食落几开胃。✨水果茶： 甜度几天然，饮到d 菠萝味同埋茶香。入面仲有芒果粒同提子，提子好甜又无核。✨黑松露带子意大利饭（$158): 个饭好多汁，仲好香黑松露味。饭粒带点咬口，入面仲有好多菇索晒汁，加埋大大粒既蟹籽食落卜卜脆，带子都好鲜味弹牙。✨all day breakfast x crepes($86): 第一次食法式crepes, 咁既配搭未试过。 个crepes 好薄好脆，甜甜地又有d 蛋香，估唔到配上咸食系几得意👍🏻✨材料有蛋、香肠、茄汁豆、火腿、烟肉、同埋沙律菜。火腿烟肉果d 唔会过咸，肠又够脆皮，全部夹埋一齐都好好味。✨本身谂住唔够饱，但食埋个紫薯蓉都真系好饱肚喇。埋单每人都系百五蚊到，又唔使同人迫，都系唔错既选择。