La Rotisserie (第三街) (已結業)

第一街到第三街呢一年開左好多高級餐廳，同老婆係屋企附近食到好厭，所以專登行上去搵野食，條斜路真係好攞命。其實一早係公司附近見過La Rotisserie，不過lunch次次都排哂隊，唔想曬住等，所以一直都冇試。今日見到冇人排隊自然要睇下咩料。叫左半隻外賣加個雜菜加埋百五蚊，算係咁。冇打算堂食係因為徒手撕雞始終都好鬼污糟。不出所料，我係屋企食既過程都要洗幾次手。講返隻雞，雞皮好香好嫩，不過雞肉冇味。所以要肉連皮一齊食，幾好。雜菜做得唔錯，鬼佬野次次都係贏呢d配菜位。成餐飯食到成手雞油，如果打算堂食，真係要預備定多d紙巾，拍拖既就唔推薦喇，實在好難食得有儀態。總括黎講，可以一試。