青越 (已結業)

今日同男朋友齐齐放假，难得平日可以一齐食lunch，我地去左青越食lunch。睇完餐牌，我拣左青越鸡丝扎肉捞檬配热柠水，佢就拣左法式牛柳粒红饭配热咖啡。青越鸡丝扎肉捞檬，枱上有一樽鱼露俾你任落去捞。夏天好岩食捞檬，好清新。呢间捞檬份量好多，鸡丝都唔少，仲有扎肉。虽然味道唔算好好食，但都够饱。法式牛柳粒红饭同想像中差好远，上碟系中式牛柳粒配西炒饭。好彩牛柳粒够腍，味道唔算难食。呢个名真系好误导人，令我地以为系红米饭，而且又贵，当自己黑仔。