Passion (已結業)

之前喺囍帖街试过呢间餐厅，觉得几好食，依家葵芳都开咗，所以就试一试。最钟意食佢嘅沙律，细size可以选择三款,而大size可以选择四款。如果一个女仔嚟食，就已经好够饱。沙律除咗款式好多之外，全部都好新鲜所以点解我次次都去食。今次仲食咗个法式薄饼？奄列？佢同一般薄饼唔同，饼底好脆，馅唔算多，唔会好滞。因为同成日食既pizza唔同，所以觉得有新鲜感。另外食咗一个意粉，基本上食物全部都系即叫即整，所以我觉得呢间餐厅质量质素真系几好。最后食咗三件甜品，有栗子挞、开心果蛋糕同埋朱古力蛋糕。我最钟意食开心果蛋糕，开心果味都浓，但系又唔会好似栗子咁腻。不过要注意呢间餐厅位唔多，所以唔系成日有位。另外，基本上全部都系自助，无咩服务。不过对我黎讲食物质素先系最重要。