越南麵包

营业中

休息中

喺九龙城想揾间越南餐厅轻食，当然选越式法包配个滴漏咖啡，上OpenRice睇吓，呢间打正旗号叫「越南面包」，而且like唔少。不过，系必须先调整一下香港人𠮶种时间效率观念丶唔赶时间丶最好有返2个几钟buffer，同埋，唔系太饿先好嚟。餐厅系cafe style，几有心机同舒适嘅布置。唔讲，真系唔似已经开咗八丶九年（最早嘅留言系2014）。坐低，九成抬满、楼面、收银丶水吧得一个女仕！叫咗一份法包丶慢煮咖喱牛腩配蒜蓉包，加埋杯滴漏咖啡，前𢓭等咗一个几钟先齐嘢，用咗十分钟就食完。有理由怀疑，个厨房都系𠮶位女仕负责。平心而论，佢𠮶法包系baguette，唔系猪仔包扮的，暖身脆口，落埋辣椒同芫荽，够正宗。𠮶咖喱牛腩，慢煮睇嚟同平时炆嘅效果，分别不大，都系林。可能怕你滞，牛腩不算多。二个人食完好似唔系咁够，不过冇时间再等多一个钟，埋单走人盛惠$444.4。整体嚟讲，食物方面系算理想，不过，就要睇吓你识唔识得，用法式金钱同法式时间嚟欣赏佢。