濠苑茶餐廳

营业中

休息中

虽然我去过花墟N次， 但系从来冇入过濠苑食嘢， 今日心血来潮， 想食件西多， 所以就入去帮衬喇。呢度系一间街坊茶餐厅， 冇搞豪华装修，服务街坊大众，有人情味。哈哈，真好！有我想食嘅西多， 正确名称系"法兰西多士"! 一个西多加一杯饮品……28蚊，算系街坊价！经典黑白奶茶杯！见到热辣辣嘅西多， 已经忘记咗……高糖高脂……， 一片大牛油喺西多上面慢慢溶落嚟， 再加埋糖浆， 呢个就系我哋香港人食西多嘅基本步骤! 呢个西多好食，够热，够干身，唔会食到一口油！ 唯一可惜嘅系个心冇搽花生酱，而系搽果jam。