影片
更多
2023-03-21
131 浏览
去九展睇完戏约7点，就去附近揾食啦。突然谂起有次行Mega box 经过一间装修清雅既西餐厅未食过，咁就出发去试下啦。 今次叫左个二人餐 - $998 For 2:黑蕃茄😋😋😋😋》坐底Waitress就放底两粒黑蕃茄+一粒柠檬。当我黑人问号时，Waitress 为我介绍唔同食法，蕃茄可伴 柠檬汁/Oliver oil / 香醋/盐 食。于是我将小蕃茄切4份，试唔同味嘛。手起刀落，蕃茄非常爽身爆晒汁，唔怪得原粒蕃茄上上啦。我将4份蕃茄分别伴唔同调味食，每只调味都令蕃茄食出不同既感觉。不过，最好食竟然系伴盐食，既带出甜味，又唔会被其他浓味喧宾夺主，等我返屋企试下用普通蕃茄加盐睇下系咪都有一样既增甜效果先.小餐包😋😋😋😋》篮子里 有2个小圆包+1个方形包。两款小餐包上枱时都系香喷喷暖笠笠。 方形包子混有点点香草果仁，圆包子就净包，两款包子都唔系好松好淋o个种面包，而系咬落比较实净既面包，涂上少少牛油伴食，已经好好味。法国鸭肝慕丝伴鲜无花果，鱼籽酱配法包脆多士😋😋😋😋》鸭肝无香煎，薄薄一片，色泽呈带粉红，无鹅肝咁浓同油腻，质地比较轻盈同幼滑，混合鱼籽既咸鲜味，厚厚一层抹上香脆既小多士上，非常满
今次叫左个二人餐 - $998 For 2:
黑蕃茄😋😋😋😋
》坐底Waitress就放底两粒黑蕃茄+一粒柠檬。当我黑人问号时，Waitress 为我介绍唔同食法，蕃茄可伴 柠檬汁/Oliver oil / 香醋/盐 食。于是我将小蕃茄切4份，试唔同味嘛。手起刀落，蕃茄非常爽身爆晒汁，唔怪得原粒蕃茄上上啦。我将4份蕃茄分别伴唔同调味食，每只调味都令蕃茄食出不同既感觉。不过，最好食竟然系伴盐食，既带出甜味，又唔会被其他浓味喧宾夺主，等我返屋企试下用普通蕃茄加盐睇下系咪都有一样既增甜效果先.
小餐包😋😋😋😋
》篮子里 有2个小圆包+1个方形包。两款小餐包上枱时都系香喷喷暖笠笠。 方形包子混有点点香草果仁，圆包子就净包，两款包子都唔系好松好淋o个种面包，而系咬落比较实净既面包，涂上少少牛油伴食，已经好好味。
法国鸭肝慕丝伴鲜无花果，
鱼籽酱配法包脆多士😋😋😋😋
》鸭肝无香煎，薄薄一片，色泽呈带粉红，无鹅肝咁浓同油腻，质地比较轻盈同幼滑，混合鱼籽既咸鲜味，厚厚一层抹上香脆既小多士上，非常满足。
法式龙虾浓汤😋😋😋😋😋
》呢个龙虾汤香浓到不得了，好似将成只龙虾压缩，左放落汤度咁，味道极浓郁！汤内有两小旧龙虾肉，如果多两旧肉龙虾肉就好喇😋
经典法式洋葱汤😋😋😋
》朋友见我饮龙虾汤，佢就叫洋葱汤，互相试下唔同味嘛。洋葱汤除左好多洋葱丝外，仲浮住左一旧浸湿晒既法包。但我不太钟意个包浸到湿湿淋淋既状态，有d似腐皮咁，汤系香甜既，不过唔太特别，有少少似d日式清汤咁。
油封烤鸭髀配法式杂菜薯角伴香橙酱😋😋😋😋😋
》主角：鸭髀真系超正，肉质柔嫩得来结实，非常易切开，肉肉连埋烤到微焦脆既表皮一齐食，油润香浓既味道在口腔大爆发，正！
》配角：杂菜同薯角都不能睇小，杂菜系用蕃茄蓉烹，带微酸，伴鸭髀食，开胃又中和到左鸭髀既油腻感。而薯角呢，系新鲜薯仔切条烤o个种，唔洗咩调味，用牛油烤到表皮焦脆，简简单单已经够好味。
炭烤澳洲特级肉眼扒：
》呢碟系朋友食既，朋友叫7成熟，佢话肉质鲜嫩可口，仲话因为肉靓，所以无需等别调味都好正。
云尼拿杏仁榛子蛋糕😋😋😋😋
》蛋糕系小小的一旧，榛子朱古力味十分香浓，蛋糕层湿润结实，蛋糕顶有d小朱古力饼粒，仲有饼底，虽小小的一件，但食落都有口感，好味。
法国鸭肝慕丝伴鲜无花果，鱼籽酱配法包脆多士
4 浏览
0 赞好
0 留言
法式龙虾浓汤
4 浏览
0 赞好
0 留言
经典法式洋葱汤
7 浏览
0 赞好
0 留言
油封烤鸭配法式杂菜薯角伴香橙酱
3 浏览
0 赞好
0 留言
炭烤澳洲特级肉眼扒
5 浏览
0 赞好
0 留言
云尼拿杏仁榛子蛋糕
4 浏览
0 赞好
0 留言
张贴
