影片
更多
2023-04-25
15 浏览
之前喺鲎地坊打冷后，经过呢间烤鱼店，见到入面full house, 近期又好钟意食烤鱼，叫埋朋友陪我一齐食。店舖全木系装修加玻璃墙，墙上贴满菜单同相片。多盏吊灯和射灯令店铺非常光猛。虽然店舖无窗，玻璃门又长期关上，但又确实感觉唔到油烟味㖞。每张枱附上一壶汤，客人可以自行加汤，唔使成日叫侍应。呢度可以食烤鱼、打边炉之外，亦主打鸡煲。见到menu上有四种烤鱼，六种辣味，另外有唔辣嘅酸菜味、蕃茄味烤鱼。平时喺其他烤鱼店，香辣味、酸菜味、蕃茄味烤鱼食得多，今次特登拣咗泡椒味、少骨肉嫩嘅海鲈鱼。✔️海鲈鱼原条$288侍应端上烤鱼，已经觉得好有份量，上面劲多大大粒嘅泡椒，虽然汤底叫咗小辣，但系担心泡椒越浸越辣，过咗几分钟之后就夹走咗圆辘辘嘅泡椒，底下𠮶层系剁碎左嘅黄色泡椒同辣豆豉，汤汁系特制嘅，甜甜辣辣好好味，提升晒鱼同配菜嘅美味度！海鲈鱼经过香料腌制，再上架烤至外皮金黄色，然后放落汤煨至入味，鱼肉多汁又滑。除咗一条过大骨之外，小刺都好少，而且肉质结实唔松散，一夹就起到一大块！每份烤鱼都附送配料：宽粉皮、大豆芽、豆皮，宽粉皮比出边食到嘅更阔，好啱用嚟打边炉或者落汤食，完全吸收晒汤嘅精华，豆皮比腐皮结
呢度可以食烤鱼、打边炉之外，亦主打鸡煲。见到menu上有四种烤鱼，六种辣味，另外有唔辣嘅酸菜味、蕃茄味烤鱼。平时喺其他烤鱼店，香辣味、酸菜味、蕃茄味烤鱼食得多，今次特登拣咗泡椒味、少骨肉嫩嘅海鲈鱼。
✔️海鲈鱼原条$288
侍应端上烤鱼，已经觉得好有份量，上面劲多大大粒嘅泡椒，虽然汤底叫咗小辣，但系担心泡椒越浸越辣，过咗几分钟之后就夹走咗圆辘辘嘅泡椒，底下𠮶层系剁碎左嘅黄色泡椒同辣豆豉，汤汁系特制嘅，甜甜辣辣好好味，提升晒鱼同配菜嘅美味度！
海鲈鱼经过香料腌制，再上架烤至外皮金黄色，然后放落汤煨至入味，鱼肉多汁又滑。除咗一条过大骨之外，小刺都好少，而且肉质结实唔松散，一夹就起到一大块！
每份烤鱼都附送配料：宽粉皮、大豆芽、豆皮，宽粉皮比出边食到嘅更阔，好啱用嚟打边炉或者落汤食，完全吸收晒汤嘅精华，豆皮比腐皮结实啲，有口感啲！
✔️蒜泥白肉$68
食川菜又点会少得蒜泥白肉，呢度嘅蒜泥白肉够晒诚意，将青瓜片同猪肉卷埋一齐，成朵花咁，靓之余，感觉又冇咁腻，肉边质感好似肴肉，爽爽地！最重要系蒜系自家剁嘅，又多又新鲜，唔使几分钟就同朋友清晒呢个小食！
✔️生菜$36
见到个汤汁咁好味，于是叫多个生菜渌嚟食，生菜颜色好青绿，望落好新鲜，一片一片大大片，果然好索汤汁！
✔️黑糖寒天奶茶$28
食辣嘢一定要饮冻饮，呢度竟然有杯装台式奶茶，谂都唔使谂点咗两杯黑糖寒天奶茶，奶味都浓郁嘅，胜在够大杯，完全可以应付食完一餐烤鱼！
免加一服务费
张贴
