吉野家 (已結業)

吉野家嘅火锅真系1年365日都见到人食, 而我1年都会食返1次半次, 最近经过吉野家见到泡菜芝士鸡锅嘅宣传牌吸引咗, 心里已经暗中想揾人去试下!!鸡锅上面舖有芝士片, 睇住啲芝士热融黏住鸡肉上面, 但系见证呢个过程已经觉得好盏鬼 👻 未食都觉得高兴!!歼灭咗一啲芝士鸡肉之后, 就可以放啲配料, 有肠仔、午餐肉、金菇同韩国泡面..., 唔觉唔觉原来食紧一人迷你部队锅 😂吉野家频频为火锅变奏出新嘢, 而今次呢个泡菜芝士鸡锅有惊喜!!! 而惊喜位唔系喺味道, 系整个食一人火锅嘅过程感觉几正😆  味道方面, 韩式汤底味道未系好浓郁同唔太辣, 可以话系大众接受嘅味道同辣度~ 钟意韩食又想打下边炉嘅不妨一试!!