六公館

营业中

休息中

第二次食六公馆，今次唔叫套餐，单叫点心同主食。今日阴天，所以坐窗边都唔会晒住块面。*千丝萝卜酥 $58上菜嘅时候热辣辣，外层真系千丝，酥脆松软，但有啲油腍腍嘅感觉，入面系粗条白萝卜丝，甜糯软腍，整体而言我几推荐。龙井熏樟茶鸭 $298皮烟韧但唔脆，皮下肥肉都叫厚肉，鸭肉肉味浓郁，嫩滑不柴，咸香咸香，茶叶烟熏风味浓厚，食完啲骨都闻到烟熏味。南翔小笼包 $62皮薄，但穿窿，食落一旧面团嘅感觉，收口位厚又硬。肉馅细旧，净系油腻又冇肉汁，食唔到肉鲜味，最失望。杬仁马拉糕 $50马拉糕好细旧，松软但闻唔到香味，食落湿润，但冇鸡蛋香面粉香，唔推荐。班片肉松脆米鱼汤泡饭 $298鱼汤奶白色，鲜味十足，少少张口，班片切到细细片，鱼肉新鲜唔会脢，猪肉碎煲泡饭完都仲有味，泡饭腍但唔会煲到软烂似粥，加埋脆米，有咬口又有层次感。