波仔

营业中

休息中

放学经过见到 #波仔 开左新门市，好大间，好多食物，有波仔系列饭盒，款式越出越多，有埋港式、韩式、日式，总有一款岩口味！除左「波仔饭」，仲有糖水、碗仔翅、pizza、沙律等等，考试考足一星期，日日食都唔怕闷！另外，波仔增添热食档，有热辣辣饱肚蒸饭及足料炖汤外，亦有烧卖、鱼蛋、茶叶蛋等多款街头小食！蒸饭我哋试左 #莲藕肉饼蒸饭 ！肉饼好淋，最重要无咩肥肉，我个人好怕出街食肉饼，肥肉多过瘦肉！特饮有燕麦奶特调系列，但我哋点左 #白桃粒粒茉莉花茶，十分清爽，仲有粒粒白桃果肉，又唔会好甜，够健康！小食我哋买左 #粢饭，糯米软硬烟韧适中，唔会太淋/太硬，入面材料有榨菜肉松，哥哥大爱！我另外买左 #芝士泡菜鸡粒炒饭、#干炒牛河、#日式照烧鸡扒意粉、#鱼籽猪肉烧卖 返屋企做考试周储粮！有饭有汤，连返屋企翻热既时间都悭返，真系帮轻左我好多！