影片
更多
2011-03-02
18 浏览
28-2-2011是日 lunch 迟了出来, 10 间有 9 间店都无位, 结果乱行之下又嚟到早两日食泰菜 (http://www.openrice.com/restaurant/commentdetail.htm?commentid=2152467) 呢条街, 见呢间车仔面店有位就立刻坐低. 叫了3 𩠌车仔面 ($29; 出前一丁另加 $2), 加一杯冻饮 (加 $5).先嚟冻奶茶, 劲多冰, 饮落够晒冻, 茶味突出, 唔涩, 唔太甜, 收货的.主食系猪大肠 + 鱼肉腐皮卷 + 冬菇的「捞底」出前一丁: 丁面煮得稍腍, 而「捞底」就应该系豉油汁吧, 不过酱汁份量偏少亦偏淡, 似普通「走汤」多过「捞」㖞 猪大肠够干净, 几肥, 食落带膻味, 质地就烟烟韧韧, 算 ok; 冬菇一般厚肉不过几香, 蚝油酱汁够味但又杰到有点「琼」成啫喱的 tendency, 感觉麻麻; 鱼肉腐皮卷就完全系薄到透光的无味腐竹包住一团无味粉, 超难食 反而「搭」的一片椰菜几好食, 油水十足, 食落清甜又爽脆, 有点意想不到.坐了小店的室内位, 地方系好细, 不过好干净; 阿姐们则几友善, 同佢讲「
28-2-2011是日 lunch 迟了出来, 10 间有 9 间店都无位, 结果乱行之下又嚟到早两日食泰菜 (http://www.openrice.com/restaurant/commentdetail.htm?commentid=2152467) 呢条街, 见呢间车仔面店有位就立刻坐低. 叫了3 𩠌车仔面 ($29; 出前一丁另加 $2), 加一杯冻饮 (加 $5).
先嚟冻奶茶, 劲多冰, 饮落够晒冻, 茶味突出, 唔涩, 唔太甜, 收货的.
主食系猪大肠 + 鱼肉腐皮卷 + 冬菇的「捞底」出前一丁: 丁面煮得稍腍, 而「捞底」就应该系豉油汁吧, 不过酱汁份量偏少亦偏淡, 似普通「走汤」多过「捞」㖞 猪大肠够干净, 几肥, 食落带膻味, 质地就烟烟韧韧, 算 ok; 冬菇一般厚肉不过几香, 蚝油酱汁够味但又杰到有点「琼」成啫喱的 tendency, 感觉麻麻; 鱼肉腐皮卷就完全系薄到透光的无味腐竹包住一团无味粉, 超难食 反而「搭」的一片椰菜几好食, 油水十足, 食落清甜又爽脆, 有点意想不到.
坐了小店的室内位, 地方系好细, 不过好干净; 阿姐们则几友善, 同佢讲「唔该」佢又会答你「唔使客气」, 招呼不错.
放低 $36, 唔算好好食, 不过 MSG 的确比好多车仔面店少得多, 平平哋可以一试的.
张贴
