美心西餅 (已結業)

旧老细请食团年饭，小肥虽只属前部下，但亦有份参与其中。碰巧主人家生日将近，多年来o既得力助手C姐诚意送上蛋糕为其暖寿 。为咗要俾多个机会XO仔写食评，蛋糕款式就交由细佬揸fit。记得旧老细最爱食芒果，所以就喺美心拣咗个劲好意头o既「黄金祝福」芒果蛋糕 。「黄金祝福」最细都要两磅重，啱哂团年饭依啲大party。两磅单售$356，另加每磅$20可有朱古力脆米层，因有美心会员卡可享八折优惠，合共即$316.8，连价钱都又「生」又「发」，掂呀 ！「黄金祝福」两层蛋糕同样松软，朱古力脆米层又够卜卜脆，可惜芒果过酸 ，未合波士心意。幸好C姐带埋爱孙比卡超一齐食饭，见到小朋友食到lam lam脷，大家望住佢都不停赞佢好「孙」，好「孙」，抢尽波士风头 。